قر پارلامەنتى سەناتىنىڭ دەپۋتاتى جانبولات جورگەنباەۆ الماتى وبلىسىنداعى كەگەن, نارىنقول, اقبەيىت جانە سارىجاز اۋىلدارىنىڭ تۇرعىندارىمەن كەزدەستى. كەزدەسۋگە قاتىسۋشىلار اتوم ەلەكتر ستانتسياسى جوباسىن جۇزەگە اسىرۋدىڭ ەكولوگيالىق جانە ەكونوميكالىق ماسەلەلەرىن تالقىلادى, دەپ حابارلايدى Egemen.kz.
سەناتور اتوم ەنەرگەتيكاسىنىڭ ارتىقشىلىعى تۋرالى ەگجەي-تەگجەيلى ايتىپ بەردى جانە ونى ەلىمىزدىڭ ەنەرگەتيكالىق قاۋىپسىزدىگىن قامتاماسىز ەتۋدىڭ تۇراقتى ءارى زاماناۋي شەشىمى رەتىندە اتاپ ءوتتى.
«اەس جوباسى جەرگىلىكتى تۇرعىنداردىڭ مۇددەسى مەن قاجەتتىلىگىن تولىق ەسكەرە وتىرىپ جۇزەگە اسادى. ءبىز ايماقتىڭ ەكولوگياسىن ساقتاۋدىڭ ماڭىزدى ەكەنىن تۇسىنەمىز, سوندىقتان قورشاعان ورتاعا اسەردى بارىنشا ازايتۋ ءۇشىن بارلىق قاجەتتى شارالار, ونىڭ ىشىندە زاماناۋي تەحنولوگيا مەن حالىقارالىق قاۋىپسىزدىك ستاندارتتارى قابىلداناتىن بولادى. بۇل رەتتە تۇرعىندار شەتتە قالماي, جوبانى تالقىلاۋعا بەلسەنە قاتىسادى, سۇراقتار قويادى, ءوز ۇسىنىستارىن بىلدىرەدى. ءاربىر ادام اشىق جانە سىندارلى پىكىرلەسۋگە كومەكتەسەتىن سەنىمدى جانە ايقىن اقپاراتقا قول جەتكىزە الادى», دەدى جانبولات جورگەنباەۆ.