باق بەتتەرى مەن الەۋمەتتىك جەلىلەردە جوعارعى سوت مەكتەپتەردە ورامال تاعۋدى زاڭدى دەپ تانىدى دەگەن جالعان اقپارات تاراپ ءجۇر, دەپ حابارلايدى Egemen.kz.
ءىستى قاراۋ اياسىندا جوعارعى سوتتىڭ اكىمشىلىك ىستەر جونىندەگى سوت القاسى ءبىلىم بەرۋ مەكەمەسىندە ورامال تاعۋدىڭ زاڭدىلىعى جونىندەگى ماسەلەنى تالقىلاۋعا ارالاسپاعان.
كاسساتسيالىق ساتى مەكتەپتىڭ وقۋشىنى ساباققا جىبەرمەۋىن زاڭسىز دەپ تانىعان, ويتكەنى ءبىلىم الۋ قۇقىعى قازاقستان رەسپۋبليكاسى ازاماتتارىنىڭ نەگىزگى كونستيتۋتسيالىق قۇقىقتارىنىڭ ءبىرى.
« سونداي-اق اتا-انالار مەكتەپ جارعىسى مەن مەكتەپ فورماسىنا قويىلاتىن تالاپتاردى ساقتاۋ مىندەتىنە جاۋاپتى ەكەنىن اتاپ وتەمىز. بۇل رەتتە اتا-انالاردىڭ بالالاردى تاربيەلەۋ مەن ءبىلىم بەرۋ, ولاردىڭ قۇقىقتارى مەن مۇددەلەرىن قورعاۋ جونىندەگى وزدەرىنە العان جانە زاڭدا بەلگىلەنگەن, ونىڭ ىشىندە اكىمشىلىك قۇقىق بۇزۋشىلىق تۋرالى كودەكستە كوزدەلگەن مىندەتتەردى ورىنداماۋى جاۋاپتىلىققا اكەپ سوعادى», دەلىنگەن حابارلامادا.
ايتا كەتەيىك, بەيىندى مينيسترلىكتە ورتا ءبىلىم بەرۋ ۇيىمدارى ءۇشىن مىندەتتى مەكتەپ فورماسىنا قويىلاتىن تالاپتاردى بەكىتۋ جونىندەگى وكىلەتتىكتەر بار. ءمينيستردىڭ ءتيىستى بۇيرىعى زاڭسىز دەپ تانىلماعان جانە كۇشى جويىلماعان.