قر پارلامەنتى سەناتىنىڭ دەپۋتاتى ءالي بەكتاەۆ تۇركىستان وبلىسىنا بارىپ, وبلىستىق شتاب مۇشەلەرىمەن بىرگە بايدىبەك اۋدانىنىڭ اۋىل شارۋاشىلىعى, ءبىلىم, مەديتسينا سالالارىنىڭ قىزمەتكەرلەرىمەن جانە كاسىپكەرلەرمەن كەزدەستى, دەپ حابارلايدى Egemen.kz.
كەزدەسۋگە قاتىسۋشىلار اگرارلىق سالانىڭ قازىرگى جاعدايى مەن دامۋ كەلەشەگىن, ماماندار دايارلاۋ, اۋدان حالقىنىڭ دەنساۋلىعىن جاقسارتۋ, مەديتسينالىق قىزمەتتەردىڭ ساپاسىن ارتتىرۋ, سونداي-اق قازاقستاننىڭ اتوم ەنەرگەتيكاسىن دامىتۋ جايىن تالقىلادى.
سەناتور اتوم ەنەرگياسى ەلەكتر قۋاتىن ءوندىرۋدىڭ سەنىمدى جانە ۇنەمدى كوزى رەتىندە اۋىل شارۋاشىلىعىنىڭ ءتيىمدى جۇمىس ىستەۋى, ونىڭ ىشىندە سۋارۋ جۇيەسى مەن جىلىجاي جانە باسقا دا سالاداعى وندىرىستەردە ماڭىزدى ەكەنىن اتاپ ءوتتى. ناتيجەسىندە اۋىل شارۋاشىلىعى ونىمدەرى حالىققا قولجەتىمدى باعامەن ساتىلاتىن بولادى.
«اەس قۇرىلىسى بۋلانۋ گازدارىنىڭ شىعارىندىسىن ازايتۋعا جانە ەكوجۇيەنىڭ تۇراقتىلىعىن ساقتاۋعا مۇمكىندىك بەرەدى. قازاقستان ۋران وندىرۋدە الەمدىك كوشباسشى بولعاندىقتان اتوم ەنەرگەتيكاسىن دامىتۋعا زور مۇمكىندىگى بار. بۇل بيزنەس ءۇشىن دە, حالىق ءۇشىن دە ەكولوگيالىق جانە ەكونوميكالىق پايدا اكەلەدى», دەدى ءالي بەكتاەۆ.