ۇكىمەت وتىرىسىندا تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ ەلىمىزدەگى سۋ تاسقىنى جاعدايىن عارىشتان زەردەلەۋ ءۇشىن ارنايى اقپاراتتىق جۇيە ازىرلەنىپ جاتقانىن مالىمدەدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
ونىڭ ءبىرىنشى كەزەڭى تاريحي جانە جەدەل گيدرومەتەورولوگيالىق دەرەكتەردى, گيدروپوستتاردىڭ ناقتى كوورديناتتارىن, رەپەرلەردىڭ بەلگىلەرىن جانە ت.ب. جيناۋدان تۇرادى. ەكىنشى كەزەڭ GloFAS جاھاندىق سۋ تاسقىنى تۋرالى ەسكەرتۋ جۇيەسىمەن ينتەگراتسيالاۋدى جوسپارلاپ وتىر.
«جۇيەنى تەستىلىك رەجيمدە ىسكە قوسۋ وسى جىلعى 1 جەلتوقسانعا جوسپارلانىپ وتىر», دەدى جاسلان ماديەۆ.
ايتا كەتەيىك, بيىل سۋ تاسقىنىنان رەسپۋبليكالىق ماڭىزى بار تراسسالاردىڭ 122 ۋچاسكەسىندە جول جيەكتەرى مەن جول توسەمى شايىلىپ كەتكەن. مۇنداي دەرەكتەردى ۇكىمەت وتىرىسىندا كولىك ءمينيسترى مارات قاراباەۆ كەلتىردى. قازىرگى ۋاقىتتا ولاردى قالپىنا كەلتىرۋ بويىنشا بەلسەندى جۇمىستار جۇرگىزىلىپ جاتىر, قاراجات تولىق كولەمدە بولىنگەن.