قازاقستاندىق تەننيسشى ەلەنا رىباكينا دەنساۋلىعىنا بايلانىستى تاعى ءبىر ءىرى جارىسقا قاتىسا المايتىن بولدى. وتانداسىمىز ارقاسىنان العان جاراقاتىنا بايلانىستى قىتايدا وتەتىن WTA 1000 - China Open تۋرنيرىنەن باس تارتتى, دەپ حابارلايدى Egemen.kz.
قازاقستاندىق تەننيسشىنىڭ قاتىسپايتىنىن جارىس ۇيىمداستىرۋشىلارى راستادى. ولار تۋرنير كەستەسىنە ەسكەرتۋ جاريالادى. WTA 1000 - China Open ءتۋرنيرى 25 قىركۇيەكتەن 6 قازانعا دەيىن جالعاسادى.
بىلتىر ەلەنا رىباكينا بۇل تۋرنيردە جارتىلاي فينالعا دەيىن جەتكەن. ەندى سول جىلى العان ۇپايىن قورعاي المايدى. تيىسىنشە, 390 ۇپايىنان ايىرىلادى.