ءماجىلىس دەپۋتاتتارى شاپاق ءۇنزيلا مەن ادامبەكوۆ تىلەكتەس قاراعاندى وبلىسىنا قاراستى ساران قالاسىندا «Silk Road Electronics» زاۋىتىنىڭ, «Galex Plus» جشس جانە «سارانكوممۋنسەرۆيس» كمقك قىزمەتكەرلەرىمەن كەزدەستى, دەپ حابارلايدى Egemen.kz.
«ەلەكتر ەنەرگياسىن جەتكىزۋدەگى كەز-كەلگەن ۇزىلىستەر ءوندىرىستىڭ توقتاپ قالۋىنا, شىعارىلاتىن ءونىم كولەمىنىڭ تومەندەۋىنە جانە جۇمىس ورىندارىنىڭ ازايۋىنا اكەلۋى مۇمكىن. سول سەبەپتەن جاڭا ەنەرگيا كوزىن ەنگىزۋ قاجەتتىلىگى كاسىپورىندار ءۇشىن عانا ەمەس, قالا تۇرعىندارىنىڭ تىرشىلىگىن قامتاماسىز ەتۋ ءۇشىن دە ماڭىزدى», دەپ اتاپ ءوتتى شاپاق ءۇنزيلا.
سونداي-اق شتاب مۇشەلەرى اتالعان كەزدەسۋلەردىڭ بارىسىندا بىرقاتار دامىعان ەلدەردە قانداي دا ءبىر زاقىمسىز جۇمىس جۇرگىزىلىپ جاتقان بىرنەشە اەس بار ەكەنىن ايتتى. سونداي-اق اەس سالۋدىڭ ماڭىزدىلىعى مەن ارتىقشىلىقتارى تالقىلانىپ, ەلىمىزگە اەس نە ءۇشىن قاجەت ەكەنىن ءتۇسىندىردى. «رەفەرەندۋم – قوعام مەن مەملەكەت ءۇشىن وتە ماڭىزدى ماسەلە, ونى بىرگە شەشۋ كەرەك. اەس سالۋدىڭ ماڭىزدىلىعى مەن ارتىقشىلىقتارىن ءبارىمىز ءتۇسىنۋىمىز كەرەك», دەدى ادامبەكوۆ تىلەكتەس.
«Amanat» پارتياسىنىڭ ءباسپاسوز قىزمەتىنىڭ مالىمەتىنشە شتاب مۇشەلەرى اەس ەلەكتر ەنەرگياسىنىڭ تۇراقتى جانە سەنىمدى كوزىن قامتاماسىز ەتۋدىڭ نەگىزگى شەشىمى بولۋى مۇمكىن ەكەنىن اتاپ ءوتتى, بۇل اسىرەسە وسىنداي ءىرى ەنەرگيا تۇتىنۋشىلارعا وزەكتى ماسەلە.