الماتىدا جول قوزعالىسى ەرەجەسىن بۇزعانى ءۇشىن 19 مىڭنان استام موپەد پايدالانۋشىسى اكىمشىلىك جاۋاپكەرشىلىككە تارتىلعان, دەپ حابارلايدى Egemen.kz Polisia.kz-كە سىلتەمە جاساپ.
جىل باسىنان بەرى الماتىدا موپەدتەردىڭ قاتىسۋىمەن 523 جول-كولىك وقيعاسى تىركەلىپ, سالدارىنان 535 ادام جاراقات الىپ, 11 ادام قازا تاپقان. 1,5 مىڭنان استام موپەد مامانداندىرىلعان ايىپپۇل تۇراعىنا قويىلعان.
«الماتى تۇرعىندارى, ونىڭ ىشىندە جاستار موپەدتەر, ساموكاتتار, سكۋتەرلەردى كەڭىنەن پايدالانادى. وكىنىشكە وراي ولار قاراپايىم جول قوزعالىسى ەرەجەلەرىن ساقتامايدى. ەرەجەلەردى ەلەمەگەندىكتەن جول اپاتىن تۋدىرادى. مۇنىڭ سوڭى كەيدە ادام ولىمىمەن اياقتالادى», دەدى الماتى قالاسى پد جپقب پاترۋلدىك پوليتسيا پولكىنىڭ كومانديرى ورالبەك احيموۆ.