مەملەكەت باسشىسى قاسىم-جومارت توقاەۆ Glencore كومپانياسىنىڭ باس ديرەكتورى گەري نەيگلدى قابىلدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
كەزدەسۋ بارىسىندا قاسىم-جومارت توقاەۆقا Glencore كومپانياسى قىزمەتىنىڭ ناتيجەلەرى مەن الداعى كەزەڭگە ارنالعان جوسپارى تۋرالى مالىمەت بەرىلدى.
بۇدان بولەك, ەلىمىزدىڭ تاۋ-كەن, مەتاللۋرگيا جانە ەنەرگەتيكا سالالارىنداعى كومپانيا جۇمىسىنىڭ نەگىزگى اسپەكتىلەرى تالقىلاندى.
پرەزيدەنت ەكولوگيالىق ستاندارتتاردى قاتاڭ ساقتاۋ جانە ءوندىرىس پروتسەسىنە يننوۆاتسيالىق تەحنولوگيالاردى ەنگىزۋ قاجەت ەكەنىنە ايرىقشا نازار اۋداردى.