تسەلينوگراد اۋدانىنىڭ پروكۋراتۋراسى ءبىلىم ءبولىمىن تەكسەرۋ بارىسىندا جالپى سوماسى 5,8 ملن تەڭگەگە بيۋدجەت قاراجاتىن جىمقىرۋ فاكتىسىن انىقتادى, دەپ حابارلايدى Egemen.kz.
وبلىستىق پروكۋراتۋرانىڭ حابارلاۋىنشا, مەكەمەنىڭ ەسەپشىسى ءوزىنىڭ قىزمەتتىك جاعدايىن پايدالانا وتىرىپ, جالعان قۇجاتتار جاساعان. سونداي-اق شوتتارىنا اقشالاي قاراجاتتى نەگىزسىز ەسەپتەگەن فاكتىلەرىن جاسىرعانى انىقتالعان.
«قك 190-ب. 3-ب 1-ت. سايكەس وسى فاكتى بويىنشا اۋدان پروكۋراتۋراسى سوتقا دەيىنگى تەرگەۋ جۇمىستارىن باستادى. سوت ۇكىمىمەن ول كىنالى دەپ تانىلىپ, پروباتسيالىق باقىلاۋ بەلگىلەنىپ, 3 جىلعا باس بوستاندىعىن شەكتەۋگە ۇكىم شىعارىلدى», دەپ حابارلادى وبلىستىق پروكۋراتۋرانىڭ ءباسپاسوز قىزمەتى.
حابارلانعانداي, كەلتىرىلگەن زالال سوماسى مەملەكەت بيۋدجەتىنە قايتارىلعان.