وتباسى بانك پەن جەتىسۋ وبلىسىنىڭ اكىمدىگى «جەرۇيىق» تۇرعىن ءۇي باعدارلاماسىن ىسكە قوسادى

ولار ءۇشىن وتباسى بانك («بايتەرەك» حولدينگىنىڭ ەنشىلەس ۇيىمى) جانە جەتىسۋ وبلىسىنىڭ اكىمدىگى «جەرۇيىق» اتتى وڭىرلىك تۇرعىن ءۇي باعدارلاماسىن ىسكە قوسادى. باستاپقى جارناسى 10%-دان باستاپ. زاەم بويىنشا مولشەرلەمە - جىلدىق 5% (جتسم 5,2%-دان 5,7%-عا دەيىن). قارىزدىڭ ەڭ جوعارعى سوماسى – 15 ملن تەڭگەگە دەيىن. ەگەر تۇرعىن ءۇي قۇنى وسى سومادان اسىپ كەتسە, وندا باعدارلاماعا قاتىسۋشى ايىرماسىن ءوز تاراپىنان تولەي الادى. كرەديت 19 جىلعا دەيىنگى مەرزىمگە بەرىلەدى.

«جەرۇيىق» باعدارلاماسى بويىنشا باستاپقى جانە قايتالاما نارىقتا پاتەر نەمەسە جەر ۋچاسكەسى بار جەكە ءۇي ساتىپ الۋعا بولادى. 

باعدارلامانى ىسكە اسىرۋ ءۇشىن وبلىس اكىمدىگى 1 ملرد تەڭگە بولەدى. جاڭا جوبا ءوڭىر تۇرعىندارىنا تۇرعىن ءۇي ماسەلەسىن شەشۋگە مۇمكىندىك بەرەدى, سونداي-اق بىلىكتى كادرلاردى وسى جەرلەردە ۇستاپ قالۋ ارقىلى ىشكى كوشى-قوننىڭ الدىن الادى.

وتىنىمدەردى قابىلداۋ 2024 جىلعى 10 قىركۇيەكتەن باستاپ 10 قازاندى قوسا العانعا دەيىن جالعاسادى. وتىنىمدەر جەتىسۋ وبلىسىنىڭ تۇرعىن ءۇي-كوممۋنالدىق شارۋاشىلىعىنىڭ اۋداندىق بولىمشەلەرىندە قابىلدانادى. وندا قاتىسۋشىلاردى سارالاۋ جۇرگىزىلەدى. تىزىمگە ەڭ كوپ ۇپاي جيناعاندار كىرەدى. ولاردىڭ سانىنا وتباسىلىق جاعداي, بالالاردىڭ بولۋى, وبلىستىق تىركەۋدىڭ ۇزاقتىعى اسەر ەتەدى. «جەتىم بالالار جانە اتا-اناسىنىڭ قامقورلىعىنسىز قالعان بالالار» ساناتى بويىنشا باعدارلاماعا قاتىسۋشىلار, سونداي-اق مۇمكىندىكتەرى شەكتەۋلى ازاماتتار نەمەسە مۇمكىندىگى شەكتەۋلى بالالاردى تاربيەلەپ وتىرعان ازاماتتار قوسىمشا ۇپاي قوسىلادى.

«جەرۇيىق» باعدارلاماسىنا ءوتىنىم بەرۋ ءۇشىن كەلەسى تالاپتار ەسكەرىلۋى كەرەك:

سوڭعى 5 جىل ىشىندە باعدارلاماعا قاتىسۋشىنىڭ جانە ونىڭ وتباسى مۇشەلەرىنىڭ مەنشىگىندە تۇرعىن ءۇيدىڭ (ونىڭ ىشىندە ساتىپ الۋ قۇقىعىمەن جالعا بەرىلەتىن تۇرعىن ءۇي مەن ۇلەستىڭ) بولماۋى. وتباسى مۇشەلەرىنە: جۇبايى, زايىبى جانە ولاردىڭ كامەلەتكە تولماعان بالالارى جاتادى; سوڭعى جۇمىس ورنىندا مىندەتتى زەينەتاقى جارنالارىمەن راستالعان كەمىندە 6 اي جۇمىس ءوتىلىنىڭ بولۋى. جەتىسۋ وبلىسىنىڭ اۋداندارىندا نەمەسە اۋىلدىق وكرۋگتەرىندە تىركەۋدىڭ بولۋى.

بىلتىرعى جىلدان بەرى وتباسى بانك ءوز قىزمەتىن اۋدانداردىڭ, مونوقالالار مەن اۋىلداردىڭ تۇرعىندارىن تۇرعىن ۇيمەن قامتاماسىز ەتۋگە باعىتتاي باستادى. مەملەكەت باسشىسى قاسىم-جومارت توقاەۆ ءوزىنىڭ ء«ادىل قازاقستاننىڭ ەكونوميكالىق باعىتى» اتتى قازاقستان حالقىنا جولداۋىندا بانككە ءدال وسىنداي تاپسىرما بەردى.

تاپسىرمانى ورىنداۋدىڭ ماقساتىندا 2024 جىلى وتباسى بانكتە «اسىل مەكەن» باعدارلاماسىن ىسكە اسىرۋ باستالدى. ونىڭ اياسىندا 120-عا جۋىق اۋىل تۇرعىنى باسپانا ساتىپ الدى.

سونداي-اق «وتاۋ» جانە «ناۋرىز» باعدارلامالارى اياسىندا قولجەتىمدى تالاپتارمەن اۋىلدار مەن اۋدان ورتالىقتارىنىڭ تۇرعىندارى ءوز وڭىرىندە تۇرعىن ءۇي ساتىپ الا الادى. بۇگىنگى تاڭدا قوس باعدارلاما كومەگىمەن 3 770 وتباسى قونىس تويىن اتاپ ءوتتى. 

حالىققا وڭىرلىك باعدارلامالار اياسىندا دا قولداۋ كورسەتىلەدى. التاي, ريددەر, شەمونايحا, زايسان مونوقالالارىنىڭ تۇرعىندارى ءۇشىن تۇرعىن ءۇي باعدارلامالارىن ىسكە قوسۋ تۋرالى مەموراندۋمعا قول قويىلدى. وسى جىلى شقو-دا «شىعىس مامانى» باعدارلاماسى اشىلدى, اياگوز تۇرعىندارى «قوزى كورپەش-بايان سۇلۋ» باعدارلاماسى اياسىندا قونىس تويىن اتاپ ءوتتى. تەمىرتاۋ, اقسۋ, رۋدنىي تۇرعىندارىنىڭ جەڭىلدەتىلگەن شارتتارمەن باسپانا الۋ ماسەلەسى دە شەشىلىپ جاتىر.