الماتىدا پروكۋرورلار «قالتا ۇرىلارى» ۇيىمداسقان قىلمىستىق توبىنىڭ قىزمەتىنە توسقاۋىل قويدى, دەپ حابارلايدى Egemen.kz.
پروكۋراتۋرانىڭ ۇيلەستىرۋىمەن سوتقا دەيىنگى تەرگەپ-تەكسەرۋ جۇرگىزىلىپ, ۇقت-نىڭ كوشباسشىسى مەن 11 مۇشەسى وتكەن جىلدىڭ قاراشا ايىنان بەرى قوعامدىق كولىكتەردى تورۋىلداپ, ازاماتتاردىڭ قۇندى زاتتارىن ۇرلاعانى انىقتالعان.
بەلگىلى بولعانداي, ورتاشا ەسەپپەن, قاسكۇنەمدەردىڭ كۇندەلىكتى قىلمىستىق تابىسى شامامەن ميلليون تەڭگەنى قۇراعان.
سوت ۇكىمىمەن قىلمىستىق توپتىڭ 9 مۇشەسى ۇزاق مەرزىمگە باس بوستاندىعىنان ايىرىلدى.
«ۇقت-نىڭ ەكى قاتىسۋشىسىنا ىزدەۋ جاريالانىپ, ولارعا قاتىستى جەكە تەرگەپ-تەكسەرۋ جۇرگىزىلىپ جاتىر», دەپ حابارلادى الماتى قالاسى پروكۋراتۋراسىنىڭ ءباسپاسوز قىزمەتى.