اۋدارىسپاقتان 60 كەلى سالماقتا باق سىناعان قازاقستان ۇلتتىق قۇراماسىنىڭ سپورتشىسى ەرمەك قۇرالباي التىن مەدال ەنشىلەدى. بۇل تۋرالى «ۇلتتىق جانە ات سپورت تۇرلەرى ورتالىعىنىڭ» ءباسپاسوز قىزمەتى حابارلادى, دەپ جازادى Egemen.kz.
ەرمەك قۇرالباي جاۋاپتى كەزەڭدە قىرعىز سپورتشىسىنان باسىم ءتۇستى.
«جاقسى دايىندىقپەن كەلدىم. فينالداعى قارسىلاسىم – بىلتىر ات ۇستىندەگى كۇرەستەن 60 كەلىدە چەمپيون بولعان قىرعىز پالۋانى. ەل نامىسىن قورعاپ, ءبىرىنشى ورىن الامىز دەپ ۇمىتتەنگەن ەدىم. سەنىمدى اقتاعانىما قۋانىشتىمىن», دەدى ەرمەك قۇرالباي.
ايتا كەتەيىك, اۋدارىسپاقتان سايىستار «قازانات» يپپودرومى ماڭىنداعى ەتنواۋىلدا ءوتىپ جاتىر. بۇل باسەكەدە 9 ەلدەن كەلگەن 64 سپورتشى جۇلدەگە تالاسادى.