WBO/IBF نۇسقاسى بويىنشا ورتا سالماقتاعى الەم چەمپيونى, قازاق بوكسشىسى جانىبەك ءالىمحان ۇلى شارشى الاڭعا ورالاتىنىن مالىمدەدى, دەپ حابارلايدى Egemen.kz.
بۇل جونىندە تانىمال بوكسشى ح الەۋمەتتىك جەلىسىندە جازدى.
«مەن دايىندىقتى باستادىم. جاقىندا جەكپە-جەك!», دەپ جازدى جانىبەك ءالىمحان ۇلى.
ايتا كەتەيىك, جەكپە-جەكتىڭ ناقتى ۋاقىتى ءالى بەلگىلەنبەگەن.
ەسكە سالايىق, جانىبەك ءالىمحان ۇلى وسى جىلدىڭ شىلدە ايىندا شارشى الاڭعا شىعۋى ءتيىس ەدى. الايدا بوكسشىنىڭ دەنساۋلىعىنا بايلانىستى جەكپە-جەك كەيىنگە شەگەرىلدى.