ماڭعىستاۋ وبلىسىنداعى اقتاۋ-مۇنايلى تاس جولىندا جانتۇرشىگەرلىك جول اپاتى بولىپ, ءۇش ادام ورتەنىپ كەتكەن. وقيعا ورنىندا تۇسىرىلگەن ۆيدەو الەۋمەتتىك جەلىدە تاراپ ءجۇر, دەپ جازادى Egemen.kz.
توتەنشە جاعدايلار مينيسترلىگى حابارلاعانداي, قايعىلى وقيعا كەشە, 8 قىركۇيەكتە بولعان.
«8 قىركۇيەكتە ساعات 15:35-تە 112 پۋلتىنە جول اپاتى تۋرالى حابارلاما كەلىپ ءتۇستى. انىقتالعانداي, Mitsubishi Montero جەڭىل اۆتوكولىگى مەن كاماز بەتپە-بەت سوقتىعىسقان. جول اپاتى سالدارىنان ەكى كولىك تولىعىمەن ورتەنىپ كەتكەن. وبلىستىق تجد قىزمەتكەرلەرى ءورتتى 16:19-دا ءسوندىردى», دەلىنگەن مينيسترلىك حابارلاماسىندا.
ۆەدومستۆو وكىلدەرى ناقتىلاعانداي, وقيعا ورنىنان ءۇش ادامنىڭ دەنەسى تابىلدى.
ء«ورت ءسوندىرۋ جۇمىستارى اياقتالعاننان كەيىن Mitsubishi كولىگىندە ءۇش ادامنىڭ كۇيگەن دەنەسى تابىلدى. ەكىنشى كولىكتىڭ جولاۋشىلارى تۋرالى اقپارات جوق. وقيعا ورنىنا جەتى ادام جانە ەكى ارنايى تەحنيكا جۇمىلدىرىلعان», دەپ ءتۇسىندىردى تجم.