ماڭعىستاۋ وبلىسى بەسشوقى اۋىلىندا مەكتەپ اسحاناسىندا تاماقتان ۋلانعان بالالاردىڭ سانى ارتتى, دەپ حابارلايدى Egemen.kz.
ماڭعىستاۋ وبلىسىنىڭ دەنساۋلىق ساقتاۋ باسقارماسى 141 بالا مەديتسينالىق كومەككە جۇگىنگەنىن حابارلادى. رەسمي اقپاراتقا سۇيەنسەك, قازىر اۋرۋحانادا 82 بالا ەمدەلىپ جاتىر. ۇيدە 43 بالا, ستاتسيوناردا 16 بالا جاتىر.
دەنساۋلىق ساقتاۋ باسقارماسى وڭىردە توسەك-ورىن جابدىقتارى مەن ءدارى-دارمەكپەن جەتكىلىكتى قامتاماسىز ەتىلگەن دەپ سەندىرەدى.
ەسكە سالا كەتسەك, وسىعان دەيىن بەسشوقى اۋىلىنداعى No8 مەكتەپتە بالالاردىڭ جاپپاي ۋلانعانى, سونىڭ سالدارىنان 1-4-سىنىپ وقۋشىلارىنىڭ زارداپ شەككەنى بەلگىلى بولعان ەدى.