شىمكەنتتە ينتەرنەت جەلىسىندەگى الاياقتىق فاكتىلەرى انىقتالدى, دەپ حابارلايدى Egemen.kz Polisia.kz سايتىنا سىلتەمە جاساپ.
انىقتالعانداي, نەگىزگى كۇدىكتى الاياقتىق جولمەن تۇسكەن قاراجاتتى قولما-قول اقشاعا اينالدىرعان «دروپپەرلەرمەن» بىرگە ارەكەت ەتكەن.
«جابىرلەنۋشىلەردىڭ بىرىنە قاسكويلەر ايگىلى بانكتىڭ اكتسيونەرى بولۋدى ۇسىنىپ, ايلاسىن جۇزەگە اسىرعان. ايەل كورسەتىلگەن شوتقا 500 مىڭ تەڭگە اۋدارىپ, اقشاسىنان ايىرىلعان», دەلىنگەن حابارلامادا.
تاعى ءبىر جاعدايدا الاياقتار Instagram-دا قىمبات تەلەفوندى وتە تومەن باعامەن ساتۋ تۋرالى حابارلاندىرۋ جاريالاعان. بۇعان سەنگەن تۇرعىن ولارعا 683 مىڭ تەڭگە اۋدارعان. بىراق ۋادە ەتىلگەن گادجەت جەتكىزىلمەگەن.ءىىم كريميناليستەرى زاماناۋي تسيفرلىق تەحنولوگيالاردى قولدانىپ, «دروپپەرلەردى» انىقتاپ, باستى كۇدىكتىنى انىقتادى. ۇرلانعان قاراجاتتىڭ بارلىعى زارداپ شەككەندەرگە قايتارىلىپ, قىلمىستىق ءىس قوزعالدى.