مىسىردىڭ الەكساندريا قالاسىندا ينفورماتيكادان IOI-2024 حالىقارالىق وليمپياداسى مارەگە جەتتى. حالىقارالىق ءبىلىم بايگەسىندە ەل ورەندەرى ۇش كۇمىس جانە ءبىر قولا مەدالعا قول جەتكىزدى, دەپ جازادى Egemen.kz.
IOI-2024-كە 90 مەملەكەت ءۇمىت ارتقان 350 وقۋشى قاتىستى.
قازاقستان قۇراماسى ساپىنان الماتى قالاسىنداعى رەسپۋبليكالىق فيزيكا-ماتەماتيكا مەكتەبىنىڭ 10-سىنىپ وقۋشىسى ماكسيم تسوي, اتىراۋ وبلىستىق №1 ء«بىلىم-يننوۆاتسيا» ليتسەي-ينتەرناتىنىڭ 11-سىنىپ وقۋشىسى مانسۇر تايماس, الماتى قالاسىنداعى مەكتەپتىڭ 11-سىنىپ وقۋشىسى نازار سەرازيتدينوۆ كۇمىس مەدال يەلەندى. ال قىزىلوردا وبلىستىق ء«بىلىم-يننوۆاتسيا» ليتسەي-ينتەرناتىنىڭ 10-سىنىپ وقۋشىسى احمەت يسا قولا جۇلدە قانجىعالادى.
وقۋ-اعارتۋ مينيسترلىگى شاكىرتتەرىن جوعارى جەتىستىكتەرگە جەتەلەگەن كوماندا جەتەكشىلەرى تەمىرلان ساتىلحانوۆ پەن ايبار قۋانىشبايعا ريزاشىلىعىن ءبىلدىردى.
ايتا كەتەيىك, جالپى ءبىلىم بەرەتىن پاندەر بويىنشا حالىقارالىق وليمپيادالاردىڭ جەڭىمپازدارى مەن جۇلدەگەرلەرىنە, ولاردى دايىنداعان پەداگوگتارعا بىرجولعى سىياقى بەرىلەدى. وسى سىندا كۇمىس مەدال ەنشىلەگەن 3 وقۋشىعا – 1000 اەك, قولا مەدال يەلەنگەن 1 وقۋشىعا – 500 اەك مولشەرىندە اقشالاي سىياقى تابىستالادى.