استانادا V دۇنيەجۇزىلىك كوشپەلىلەر ويىندارى اياسىندا 6 قىركۇيەك كۇنى تەاترلاندىرىلعان قويىلىممەن «بىرلىك كەرۋەنى» سالتاناتتى ءىس-شاراسى وتەدى, دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.
«بىرلىك كەرۋەنى» — قازاقستاننىڭ 20 وڭىرىنەن رەسپۋبليكانىڭ بارلىق تۇرعىندارىن بىرىكتىرەتىن جانە ەلىمىزدىڭ بىرلىگى مەن مادەني ارالۋاندىعىن ايقىندايتىن, كوشپەلىلەر ويىندارىنىڭ بولىگى بولىپ سانالاتىن ماڭىزدى مادەني وقيعا.
«بىرلىك كەرۋەنى» ءىس-شاراسى وتكىزىلەتىن كۇنى وڭىرلەردىڭ وكىلدەرى باسقاراتىن كەرۋەن - بۇل سپورتشىلار, قوعام قايراتكەرلەرى, ءتۇرلى وبلىستىڭ باتىرلارى استاناعا قازاقستاننىڭ قاسيەتتى كوزدەرىنەن سۋ جەتكىزەدى. ەلىمىزدىڭ تۇكپىر-تۇكپىرىنەن جينالاتىن سۋ استاناداعى تايقازاندا ويىنداردىڭ اشىلۋ كۇنى قوسىلىپ, بىرلىكتىڭ باستى سيمۆولىنا اينالادى.سونىمەن قاتار 6 قىركۇيەك كۇنى ساعات 17:00-دە ەكسپو اۋماعىندا (ساعات 16.00-دەن باستاپ ديدجەي وينايدى, سونداي-اق قاتىسۋشىلار ءۇشىن ۆيكتورينالار وتكىزىلەدى) ءىس-شارا رەسمي تۇردە باستالادى.ايتا كەتەرلىگى, «بىرلىك كەرۋەنى» وتكىزىلۋىنە بايلانىستى ساعات 13:00-دەن 21:00-گە دەيىن تۇركىستان جانە اقمەشىت كوشەلەرىندەگى ەكسپو ماڭىنداعى جولداردىڭ ءبىر بولىگىن ۋاقىتشا جابۋ جوسپارلانعان.