اقتوبەنىڭ تابيعات قورعاۋ پروكۋرورلارى «ۆوسحود حروم» جشس-ءنىڭ قىزمەتىندە حرومتاۋ اۋدانىندا حروم كەنىن وڭدەۋ كەزىندە بۇزۋشىلىقتاردى انىقتادى, دەپ حابارلايدى Egemen.kz.
قاداعالاۋ ورگانى 2022 جىل بويى كاسىپورىننىڭ مىندەتتى ەكولوگيالىق رۇقساتسىز جۇمىس ىستەگەنىن انىقتاعان. تيىسىنشە, وسى كەزەڭدەگى بارلىق ەميسسيالار, بۇل اتموسفەراعا 52 توننادان استام لاستاۋشى زاتتاردىڭ شىعارىندىلارى (بەيورگانيكالىق شاڭ, 3 ۆالەنتتى حروم, ماگني وكسيدى جانە ت.ب.), سونداي-اق جالپى 395 مىڭ توننا كولەمىندە ورنالاستىرىلعان ءىرى كەسەك جانە شلامدى بايىتۋ قالدىقتارى نورماتيۆتەن جوعارى, ياعني زاڭسىز دەپ تانىلدى.
«تابيعات قورعاۋ پروكۋراتۋراسىنىڭ شارالارىمەن كاسىپورىنعا ەكولوگيالىق رۇقساتسىز قىزمەتتى جۇزەگە اسىرعانى ءۇشىن, 2,9 ملرد تەڭگەدەن استام سوماعا ايىپپۇل سالىندى. سەرىكتەستىك اكىمشىلىك جاۋاپكەرشىلىككە تارتۋ تۋرالى قاۋلىعا سوت تارتىبىمەن شاعىم جاسالدى», دەپ حابارلادى وبلىستىق پروكۋراتۋرانىڭ ءباسپاسوز قىزمەتى.
وبلىستىق سوتتىڭ ءبىرىنشى جانە اپەللياتسيالىق ساتىلارى ايىپپۇلدى زاڭدى دەپ تانىدى.