قىزىلوردا وبلىسى جاڭاقورعان اۋداندىق سوتى 200 ملن تەڭگەدەن استام بيۋدجەت قاراجاتىن جىمقىرعان توعىز ادامعا قاتىستى ۇكىم شىعاردى, دەپ حابارلايدى Egemen.kz وبلىستىق پروكۋراتۋرانىڭ ءباسپاسوز قىزمەتىنە سىلتەمە جاساپ.
سوتقا دەيىنگى تەرگەپ-تەكسەرۋ امالدارىن وبلىستىق پروكۋراتۋرا جۇرگىزگەن. سوت تالقىلاۋى بارىسىندا مەملەكەتتىك ايىپتاۋشى ءبىلىم بەرۋ جۇيەسىندە جۇمىس ىستەمەيتىن تۇلعالاردىڭ ەسەپشوتىنا زاڭسىز اقشا اۋدارىلعانىن دالەلدەگەن.
«قىلمىستىق ءىس بويىنشا نەگىزگى ايىپتالۋشىلار باس بوستاندىعىنان ايىرىلسا, قالعان 7 سىبايلاستىڭ بۋحگالتەرلىك قىزمەتپەن اينالىسۋ قۇقىعى شەكتەلىپ, شارتتى تۇردە سوتتالدى. كەلتىرىلگەن شىعىن ءىشىنارا وتەلدى», دەپ حابارلادى وبلىستىق پروكۋراتۋرانىڭ ءباسپاسوز قىزمەتى.
سوت ۇكىمى زاڭدى كۇشىنە ەنگەن جوق.