قىزىلوردا وبلىسىندا سوت شەشىمىمەن 68 شەتەل ازاماتى ەل اۋماعىنان شىعارىلدى, دەپ حابارلايدى Egemen.kz Polisia.kz-كە سىلتەمە جاساپ.
جىل باسىنان بەرى قىزىلوردا وبلىسىنىڭ اۋماعىنا ءتۇرلى ماقساتتارمەن 16 196 شەتەل ازاماتى ۋاقىتشا تىركەۋگە الىندى. ونىڭ ىشىندە 15 960 ازامات تمد ەلدەرىنەن بولسا, ال الىس شەتەلدەردەن 236 ازامات تىركەلگەن.
وسى جىلدىڭ 8 ايىندا جالپى 2 272 قۇقىق بۇزۋشىلىق تىركەلدى. ونىڭ ىشىندە, شەتەل ازاماتتارىمەن جاسالعان 1497 اكىمشىلىك قۇقىق بۇزۋشىلىق انىقتالسا, ونىڭ 68-ءى سوت شەشىمىمەن رەسپۋبليكا اۋماعىنان الىستاتىلىپ, 5 جىلعا قازاقستان رەسپۋبليكاسىنا كىرۋگە تىيىم سالىندى.
شەتەلدىكتەردىڭ قازاقستان رەسپۋبليكاسىندا بولۋ ەرەجەلەرىنىڭ ساقتالۋىن قامتاماسىز ەتپەگەنى ءۇشىن 755 قازاقستان ازاماتىنا اكىمشىلىك شارالار كورىلىپ, جەكە جانە زاڭدى تۇلعالارعا قاتىستى 18 ملن 823 مىڭ تەڭگە كولەمىندە اكىمشىلىك ايىپپۇل سالىنىپ, تولىعىمەن مەملەكەت پايداسىنا ءوندىرىلدى.