استانادا كۇرەڭ كۇز باستالدى. قازىرگى اۋا تەمپەراتۋراسىنىڭ ورتاشا كورسەتكىشى +15°C بولسا دا, نوسەر جاۋىن ءجيى جاۋىپ جاتىر. وسى ورايدا تۇرعىندار كوكەيىندە جىلۋ بەرۋ ماۋسىمى قاشان باستالادى دەگەن ساۋال تۋىنداعانى انىق. ءبىز بۇل سۇراقتى قالا اكىمدىگىنىڭ وكىلدەرىنە قويدىق, دەپ جازادى Egemen.kz.
اكىمدىك اۋا تەمپەراتۋراسى 5 كۇن قاتارىنان +10 گرادۋستان تومەن بولعاندا عانا جىلۋ قوسىلاتىنىن مالىمدەدى.
«استانا قالاسى ءماسليحاتىنىڭ شەشىمىمەن بەكىتىلگەن استانا قالاسىنداعى جىلىتۋ ماۋسىمىنا دايىندالۋ جانە وتكىزۋ قاعيدالارىنا سايكەس, ەلوردادا جىلىتۋ ماۋسىمى سىرتقى اۋانىڭ بەلگىلەنگەن ورتاشا تاۋلىكتىك تەمپەراتۋراسى بەس تاۋلىك ىشىندە +10°س جانە ودان تومەن بولعاندا باستالادى», دەلىنگەن اكىمدىك جاۋابىندا.
ايتا كەتەيىك, «قازگيدرومەت» رمك ۇسىنعان اۋا رايى بولجامىنا سۇيەنسەك, الداعى 10 كۇندە اۋا تەمپەراتۋراسى +10 گرادۋستان تومەندەمەيدى.