قالا تۇرعىنى جۇمىس ورنىندا التىن بۇيىمدارى جوعالعانى تۋرالى ارىزبەن پوليتسياعا جۇگىنگەن, دەپ حابارلايدى Egemen.kz.
قالاداعى اۋرۋحانالاردىڭ بىرىندە تەحنيكالىق قىزمەتكەر رەتىندە تاعىلىمدامادان ءوتىپ جۇرگەن 20 جاستاعى جىگىت مەدبيكەنىڭ سورەسىنەن التىن بۇيىمدارىن ۇرلاعان. بۇل قىلمىستى پوليتسيا دەپارتامەنتىنىڭ قىزمەتكەرلەرى انىقتاعان.
Polisia.kz-ءتىڭ جازۋىنشا, شىعىن سوماسى 960 مىڭ تەڭگەدەن اسادى. كۇدىكتى قولدى قىلعان زاتتاردى لومباردقا وتكىزىپ جىبەرگەنىن مويىندادى. زاتتاي ايعاقتار تاركىلەنىپ, تەرگەۋ امالدارى جۇرگىزىلىپ جاتىر.