الماتى وبلىسىنىڭ پوليتسەيلەرى بالا ساۋداسىمەن اينالىسقان قىلمىستىق توپتىڭ ارەكەتىن اشكەرەلەدى. كۇدىككە ىلىنگەن 38 جاستاعى ايەل قاماۋعا الىندى, دەپ حابارلايدى Egemen.kz.
«25 تامىزدا «Surak.baribar» الەۋمەتتىك جەلىسىندە كامەلەتكە تولماعان بالالار مەن جاڭا تۋعان سابيلەردى «زاڭدى تۇردە اسىراپ الۋ» جەلەۋىمەن زاڭسىز ارەكەت ەتۋى مۇمكىن قىلمىستىق توپ تۋرالى اقپارات ءتۇستى. وبلىستىق ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى 38 جاستاعى كۇدىكتىنى انىقتادى. كۇدىكتى ايەل قىزىلوردا وبلىسىنىڭ تۋماسى ەكەنى بەلگىلى بولدى», دەپ ءتۇسىندىردى وبلىستىق پوليتسيا دەپارتامەنتىنىڭ باسشىسى باۋىرجان الەنوۆ.
پوليتسيا قىزمەتكەرلەرى تاراپىنان قىلمىستىق ءىس قوزعالدى. كۇدىكتى ۋاقىتشا ۇستاۋ يزولياتورىنا قامالدى. تەرگەۋ امالدارى جالعاسىپ, قىلمىستىق توپتىڭ باسقا مۇشەلەرى ىزدەستىرىلىپ جاتىر.