«Bala Turkvizyon-2015» حالىقارالىق بالالار ءانى بايقاۋىنىڭ ۇلتتىق ىرىكتەۋى وسكەمەن قالاسىنان باستاۋ الدى. بايقاۋ باستاماشىسى – ءاليا نازارباەۆانىڭ «جاندانۋ الەمى» قورى. العاشقى ىرىكتەۋگە شىعىس قازاقستان وبلىسىنان 157 ونەرپاز قاتىستى. مەتاللۋرگتەر مادەنيەت سارايىندا تاڭەرتەڭنەن باستالعان كەزەكتى گلۋبوكوۆسكوە (گلۋبوكوە اۋىلى), تارباعاتاي (اقجار اۋىلى), زىريانوۆسك (سەرەبريانسك اۋىلى), اياگوز, وسكەمەن, ريددەر جانە سەمەي قالالارىنان كەلگەن جاس تالانتتار تولتىردى.
وسكەنمەن قالاسىنان ۇلتتىق ىرىكتەۋدىڭ جارتىلاي فينالىنا ۇمىتكەردى انىقتاۋعا ءانشى ساندا, تانىمال پروديۋسەر ەريك تاستامبەكوۆ پەن ءانشى يۆان برەۋسوۆ كەلدى. قازىلار القاسىنا كوپ ونەرپازدىڭ ىشىنەن ۇزدىكتەردى انىقتاۋ قيىنعا سوقتى.
كىشكەنتاي ارتىستەر ۇلكەن سىناققا دايىن ەكەندىكتەرىن دالەلدەي ءبىلدى. ويتكەنى, ولاردىڭ كوبىسى ۇلكەن ساحناعا ءبىرىنشى رەت قادام جاساۋدا, كامەرا الدىندا ءارى ونەر جۇلدىزدارىنىڭ الدىندا ونەر كورسەتۋ – ۇلكەن ەرلىك.
ايماقتىق ىرىكتەۋ كەزىندە ءارتۇرلى جانرداعى, ءارتۇرلى باعىتتاعى اندەر ورىندالدى: حالىق اندەرى, رەپ, پوپ جانە اۆتورلىق اندەر. ۇمىتكەرلەر ورىنداعان اندەر قازاق, ورىس, اعىلشىن, يتاليان تىلدەرىندە بولدى. ءاربىر قاتىسۋشى ماراپاتقا, قۇرمەتكە يە. ولار ءاليا نازارباەۆانىڭ «جاندانۋ الەمى» قورىنىڭ «Bala Turkvizyon» ۇلتتىق ىرىكتەۋىنىڭ قاتىسۋشىسىنا ارنالعان سەرتيفيكات پەن ۇلتتىق ىرىكتەۋ ءانۇرانى جازىلعان CD-ديسكىلەرگە يە بولدى.
وسكەمەن قالاسىنىڭ ۇلتتىق ىرىكتەۋ جەڭىمپازى 12 جاستاعى راشيدا ۇزىحانوۆا – سەمەي قالاسىنىڭ تۇرعىنى. قازىلار القاسىنىڭ شەشىمى بويىنشا راشيدا استانا قالاسىندا وتەتىن فينالدا شىعىس قازاقستان وبلىسىنىڭ نامىسىن قورعاماق. بۇعان دەيىن دە جاس ونەرپاز كوپتەگەن رەسپۋبليكالىق, حالىقارلىق بايقاۋلارعا قاتىسىپ ۇلگەرگەن.
ۇلتتىق ىرىكتەۋدىڭ كەلەسى كەزەگى پاۆلودار قالاسىندا.
«ەگەمەن-اقپارات».