نۇرا اۋدانىنىڭ پروكۋراتۋراسى تەكسەرۋ بارىسىندا ەرىكتى قونىس اۋدارۋ باعدارلاماسى بويىنشا بولىنگەن قارجىنىڭ جۇمسالۋىنداعى زاڭ بۇزۋشىلىقتاردى انىقتادى, دەپ حابارلايدى Egemen.kz.
انىقتالعانداي, زاڭ بۇزۋشى تۇرعىن ءۇي ساتىپ الۋعا ارنالعان قاراجاتتى باسقا ماقساتتا جۇمساعان. اتاپ ايتقاندا, 2023 جىلى استانادان نۇرا اۋدانىنا كوشىپ كەلگەن ازامات و.كوشەرباي ساتىپ العان ۇيىنە قونىستانباعان. ونى كوشىرۋگە 966 000 تەڭگە جانە تۇرعىن ءۇي ساتىپ الۋىنا — 4 000 000 تەڭگە بولىنگەن.
«2023 جىلدىڭ قاراشا ايىندا ول 8 300 000 تەڭگەگە پاتەر ساتىپ الۋ-ساتۋ شارتىن بەكىتكەن. الايدا, تەكسەرۋ بارىسىندا اتالعان ۇيدە بۇرىنعى يەسى مەن ونىڭ وتباسى تۇرىپ جاتقانى انىقتالدى», دەلىنگەن حابارلامادا.
پروكۋراتۋرا قابىلداعان شارالاردىڭ ناتيجەسىندە ءو.كوشەرباي مەملەكەتتىك بيۋدجەتكە 2 000 000 تەڭگەنى قايتارعان. ال قالعان سوماعا سوتقا تالاپ-ارىز بەرىلگەنى بەلگىلى بولدى.