قازاقستان ەلشىسى تالعات شالدانباي يوردانيا كورولى ابداللا II يبن ءال-حۋسەينگە سەنىم گراموتالارىن تابىستادى, دەپ حابارلايدى Egemen.kz قر سىرتقى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.
سالتاناتتى راسىمنەن كەيىن «راگادان» كورولدىك سارايىندا حاشيميت كورولدىگى مونارحىندا رەسمي قابىلداۋ وتكەن. يوردانيا كورولى ەلشىگە قازاقستان-يوردانيا قاتىناستارىن نىعايتۋ باعىتىندا تابىستى جانە جەمىستى جۇمىس تىلەدى.
كەزدەسۋدەن كەيىن ەلشى كورولدىك سارايدىڭ قوناقتار كىتابىنا ەستەلىك قولتاڭباسىن قالدىردى. سونىمەن قاتار ەلشى حاشيميت كورولدىگىنىڭ نەگىزىن قالاۋشى كورول ابداللا I يبن ءال-حۋسەين, كورول تالال يبن ابداللا جانە كورول حۋسەين يبن تالالدىڭ قابىرلەرىنە گۇل شوقتارىن قويدى.