ىشكى ىستەر مينيسترلىگىندە پاريجدە وتكەن وليمپيادا ويىندارىندا توپ جارىپ, جۇلدە العان دينامولىق سپورتشىلارمەن كەزدەسۋ ءوتتى, دەپ حابارلايدى Egemen.kz Polisia.kz-كە سىلتەمە جاساپ.
مينيستر ەرجان سادەنوۆ سپورتشىلارىمىزدى جارقىن جەتىستىكتەرىمەن قۇتتىقتادى.
ء«بىز سىزدەردىڭ ارقايسىلارىڭىزدى ماقتان تۇتامىز. قانداي سايىسقا شىقساڭىزدار دا, جەڭىستى بولسىن! بۇل جالپى قازاق ەلىنە قوسىپ جاتقان ۇلەستەرىڭىز. تاعى دا سىزدەردى شىن جۇرەكتەن قۇتتىقتايمىن!», دەدى مينيستر.
ايتا كەتەيىك, وليمپيادا ويىندارىنىڭ جۇلدەگەرلەرى ۆەدومستۆو مۇراجايىنىڭ تاريحىمەن تانىسىپ, ەستەلىك كىتابىنا قولتاڭبا قويىپ, جىلى لەبىزدەرىن جازعان.
«ۇلكەن راقمەتىمدى ايتامىن قازاق ەلىنە! پاريجدە بولعاندا قولداۋدى سەزىندىك. سونداي-اق ىشكى ىستەر مينيسترلىگىنە العىسىمدى بىلدىرەمىن. بۇيىرتسا, كەلەسى وليمپيادا ويىندارىندا كۇمىس مەدالىمدى التىنعا اينالدىرۋعا بارىمدى سالامىن. ءوسىپ كەلە جاتقان جاس سپورتشىلارعا ەڭبەك ەتىڭىزدەر, سىنباڭىزدار دەگىم كەلەدى», دەدى بوكسشى نۇربەك ورالباي.