مۇمكىن ەسەيگىسى كەلمەيتىن, الدە وزىنە جاۋاپكەرشىلىك جۇكتەۋدەن قاشاتىن, قانشا ەسەيگەنمەن «بالا» بولىپ قالاتىنداردى پيتەر پەن سيندرومىنا شالدىققاندار دەيدى ەكەن.
مۇنداي مىنەز-ق ۇلىقتى پسيحولوگ-عالىم ماريا-لۋيزا فون فرانتس زەرتتەپ, سيندرومعا ادەبي كەيىپكەرلەردەن «پيتەر پەن» مەن «كىشكەنتاي حانزادانى» جاتقىزسا, ومىردە بولعان تۇلعالاردان ايگىلى موتسارتتى مىسال ەتكەن ەدى. سيندروم كوبىنە تىم ەركەلەپ وسكەن نەمەسە اتا-اناسى بالاعا جەكە شەشىم قابىلداپ, جاۋاپكەرشىلىك الۋىنا كەدەرگى كەلتىرگەن بالالاردا بولادى-مىس. بۇل ايەلدەردەن گورى ەر ادامداردا ءجيى كەزدەسەدى ەكەن. ءار ادامنىڭ ىشىندە ەركەلەپ, ويناپ جۇرە بەرگىسى كەلەتىن ءبىر كىشكەنتاي بالاقاي بار دەسەك تە, پيتەر پەن سيندرومى قوعامنىڭ دا, ادامنىڭ دا دامۋىنا كوپ كەدەرگى كەلتىرەتىن كورىنەدى.
پاريج سيندرومى
«پاريج» دەگەندە كوز الدىڭىزعا عاجايىپ قالا ەلەستەرى انىق. بۇعان «اقىندار پروۆينتسيادا تۋىپ, پاريجدە ولەدى» ءسوزىنىڭ دە اسەرى بار شىعار. الايدا ءسىز قيالداعان پاريج شىنىمەن سولاي ما؟
ويتكەنى بۇل سيندروم پاريجگە قىدىرىپ بارعان ساياحاتشىلاردىڭ كوڭىلىن سۋ سەپكەندەي باسقان وقيعالاردان كەيىن تۋىنداپتى. اۋەلى ونداعى تۇرعىنداردىڭ سالقىنقاندىلىعى, قالانىڭ كەيبىر لاس جەرلەرى ءپاريجدى جەر بەتىنىڭ جۇماعىنداي اڭساپ بارعان ادامداردىڭ پسيحولوگيالىق كوڭىل كۇيى سيندروم رەتىندە اتاۋ العان. مۇنىڭ شىعۋ تەگى ءسال جىميىپ, سىپايى جۇرەتىن جاپونداردىڭ فرانتسياعا بارۋىنان پايدا بولعان دەگەن دەرەك بار. 1986 جىلى جاپون پسيحياترى حيرواكي وتوي ۇلكەن قالاعا جۇمىس ساپارىمەن بارعاندا, دارىگەردەن وسى سيندروم انىقتالعان ەكەن. سودان شىعار, ءبىزدىڭ حالىق «ارىق سويلەپ, سەمىز شىق» دەيتىنى...
ديوگەن سيندرومى
ونەر تاريحىنان بىلەتىنىمىزدەي, ديوگەن – قوعامنان, قورشاعان ورتادان تىس, ۇيدەن شىقپاي ءومىر سۇرگەن ادام. ياعني سوتسيوپات نەمەسە ميزانتروپ.
بۇل سيندروم كوبىنە جاستىق شاعىندا قوعامدا تىم بەلسەندى بولعان قارتتاردا كوپ كەزدەسەدى. 1975 جىلى كلاركتىڭ انىقتاماسىمەن عىلىمعا ەنسە دە, سوناۋ ەرتە عاسىرلاردان بەرى كەزدەسەتىن بۇل پسيحولوگيالىق اۋرۋدىڭ تاعى ءبىر بەلگىسى – ەشكىمگە پايداسى جوق, قوقىسقا تاستالاتىن ماڭىزسىز دۇنيەلەردى جيناي بەرۋ ەكەن.