وبلىس پروكۋراتۋراسى اليمەنت تولەۋ مىندەتتەرىن قاساقانا ورىنداماعان بورىشكەرلەرگە قاتىستى تالداۋ جۇرگىزۋ ارقىلى بەرەشەك قارىزى جينالعان 72 بورىشكەرلەردىڭ قۇمار ويىندارىنا جالپى 274 ملن تەڭگە سالىم سالعانىن انىقتادى, دەپ حابارلايدى Egemen.kz.
اتالعان فاكتى بويىنشا وبلىس پروكۋراتۋراسى قۇزىرلى ورگانعا ءتيىستى شارا قولدانۋ ءۇشىن ۇسىنۋ ەنگىزگەن.
«ستاتيستيكالىق مالىمەتكە سايكەس وسى جىلدىڭ وتكەن مەرزىمىندە وبلىس بويىنشا سوت ورىنداۋشىلاردىڭ وندىرىسىندە اليمەنتكە قاتىستى 22 219 اتقارۋ قۇجاتتارى ورىنداۋدا بولىپ, ناتيجەسىمەن 2 376 اياقتالىپ, 19 843 قۇجات ورىندالۋ ساتىسىندا تۇر», دەپ حابارلادى ءوڭىر پروكۋراتۋراسى.
سونىمەن قاتار وبلىس پروكۋراتۋراسىندا اليمەنت تولەۋدەن جالتارعان بورىشكەرلەردى جاۋاپتىلىققا تارتۋ باعىتىندا ۋاكىلەتتى جانە قىلمىستىق قۋدالاۋ ورگاندارىنىڭ ءوزارا ارەكەتتەسۋى ماسەلەسى بويىنشا مەكەمەارالىق ءماجىلىس وتكەن. ءماجىلىستىڭ حاتتامالىق شەشىمى ورىنداۋ ءۇشىن جاۋاپتى مەكەمەلەرگە جولدانعان.