26-28 تامىز ارالىعىندا وڭتۇستىك مەگاپوليستە «قۇقىقتىق ءتارتىپ» ءىس-شاراسى ءوتتى. ءىس-شارانىڭ العاشقى كۇنى ەلىمىزدىڭ كوشى-قون ءتارتىبىن بۇزعان 117 شەتەلدىك انىقتالدى, دەپ جازادى Egemen.kz.
ولاردىڭ كوپشىلىگى جەكە قۇرىلىستا جانە قۇرىلىس نىساندارىندا جۇمىس ىستەگەن. 22 شەتەل ازاماتى ەلدەن شىعارىلسا, 42 ادام پد-ءنىڭ قابىلداپ-تاراتۋى بولىمىنە جەتكىزىلگەن.
«ۇستالعانداردىڭ اراسىندا جەكە باسىن كۋالاندىراتىن قۇجاتتارى بولماعان نيگەريا ازاماتى دا بار. ءتارتىپ ساقشىلارى قالادا زاڭسىز تۇرىپ جاتقان شەتەل ازاماتتارىنىڭ شوعىرلانعان جەرلەرىن, اتاپ ايتقاندا قوناق ۇيلەردى, جالدامالى پاتەرلەردى, جاتاقحانالاردى, ستيحيالىق ەڭبەك بيرجالارى مەن قۇرىلىس نىساندارىن مۇقيات تەكسەرىپ جاتىر», دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.