استانا قالاسى بويىنشا مەملەكەتتىك كىرىستەر دەپارتامەنتىنىڭ دارمەنسىز بورىشكەرلەرمەن جۇمىس باسقارماسىنىڭ باسشىسى يسابەك زاۋىتبەك ۇلى كوممۋنيكاتسيالار قىزمەتىندە وتكەن بريفينگتە سوتتان تىس بانكروتتىق ءراسىمىن قولدانۋ ماسەلەسى تۋرالى مالىمەت بەردى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
ۆەدومستۆو باسشىسىنىڭ ايتۋىنشا, استانادا ستاتيستيكا بويىنشا ازاماتتاردىڭ باسىم بولىگى سوتتان تىس بانكروتتىق ءراسىمىن قولدانۋ تۋرالى ءوتىنىم بەردى.
- استانا قالاسى بويىنشا 7 495 ءوتىنىش ءتۇستى, ونىڭ ىشىندە 1 347 جەكە تۇلعاعا قاتىستى ءراسىم اياقتالدى. ياعني, ولارعا «بانكروت» مارتەبەسى بەرىلىپ, بەرەشەك ەسەپتەن شىعارىلدى. 5 268 ءوتىنىش بويىنشا باس تارتىلدى, 180 ءوتىنىشتى ازاماتتاردىڭ وزدەرى كەرى قايتارىپ الدى, 700 ءوتىنىش بۇگىنگى تاڭدا قارالۋدا, – دەيدى يسابەك زاۋىتبەك ۇلى.
ايتا كەتەيىك, 2024 جىلى 19 ماۋسىمدا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كرەديت بەرۋ كەزىندە تاۋەكەلدەردى بارىنشا ازايتۋ, قارىز الۋشىلاردىڭ قۇقىقتارىن قورعاۋ, قارجى نارىعىن رەتتەۋدى جانە اتقارۋشىلىق ءىس جۇرگىزۋدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويىلعان. بۇل تۇزەتۋلەر 2024 جىلدىڭ 25 تامىزىنان باستاپ كۇشىنە ەندى.
ۆەدومستۆو وكىلىنىڭ مالىمەتىنشە, كورسەتىلگەن زاڭ «قازاقستان رەسپۋبليكاسى ازاماتتارىنىڭ تولەم قابىلەتتىلىگىن قالپىنا كەلتىرۋ جانە بانكروتتىعى تۋرالى» زاڭىنا تۇزەتۋلەر ەنگىزۋدى كوزدەيدى.