جامبىل وبلىسى مويىنقۇم اۋداندىق سوتى پاراقورلىق جاساعانى ءۇشىن اۋدان اكىمىنىڭ مىندەتىن ۋاقىتشا اتقارۋشى س. تولەگەنوۆ, وسى اۋداننىڭ قارجى ءبولىمىنىڭ باسشىسى ت. ادىلباەۆ جانە جەكە كومپانيا وكىلى ا. شۇباەۆ سوتتالدى, دەپ حابارلايدى Egemen.kz سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتىنە سىلتەمە جاساپ.
انىقتالعانداي, تولەگەنوۆ پارا العانى, ال ادىلباەۆ مەملەكەتتىك ساتىپ الۋ سالاسىنداعى جۇمىس جونىندەگى فۋنكتسيالاردى لاۋازىمدىق مىندەتتەرىنەن الىپ تاستاماعانى جانە قىزمەت بويىنشا جالپى قامقورلىعى ءۇشىن وعان 400 مىڭ تەڭگە سوماسىندا پارا بەرگەنى ءۇشىن كىنالى دەپ تانىلعان.
بۇدان باسقا, ادىلباەۆ مويىنقۇم اۋىلىنىڭ جولدارىن جوندەۋ بويىنشا ورىندالعان جۇمىستارعا جەدەل اقى تولەگەنى ءۇشىن شۇباەۆتان 600 مىڭ تەڭگە سوماسىندا پارا العانى بەلگىلى بولدى.سوت ۇكىمىمەن تولەگەنوۆ پەن شۇباەۆقا 12 ملن تەڭگەدەن, ادىلباەۆ 26 ملن تەڭگە ايىپپۇلعا سوتتالدى.ۇكىم زاڭدى كۇشىنە ەنگەن جوق.