قارجىلىق مونيتورينگ اگەنتتىگى رەسەي, ۋكراينا جانە 2 قازاقستان ازاماتىنا حالىقارالىق ىزدەۋ جاريالادى, دەپ حابارلايدى Egemen.kz.
اگەنتتىك مىنا ادامدارعا حالىقارالىق ىزدەۋ جاريالادى:
رەسەي فەدەراتسياسىنىڭ ازاماتى چەرنىح سەرگەي ۆلاديميروۆيچ, 1993 جىلى تۋعان;ۋكراينا ازاماتى يۋدينا مارينا, 1999 جىلى تۋعان;قازاقستان رەسپۋبليكاسىنىڭ ازاماتى نەستەرەنكو پاۆەل يگورەۆيچ, 1998 جىلى تۋعان;قازاقستان رەسپۋبليكاسىنىڭ ازاماتى مۋساليەۆا تۇرسىن بەگداتقىزى, 1996 جىلى تۋعان.
اتالعان تۇلعالارعا قاتىستى الماتى وبلىسى مەن الماتى قالاسى اۋماعىندا «1WIN» ونلاين-كازينو تۇرىندە زاڭسىز قۇمار ويىندار مەن بۋكمەكەرلىك قىزمەتتى ۇيىمداستىرۋ جانە باسقارۋ, ازاماتتارعا زورلىق-زومبىلىق كورسەتۋ, زاڭسىز باس بوستاندىعىنان ايىرۋ كۇدىگىمەن ىزدەۋ جاريالاندى. وسىعان بايلانىستى قىلمىستىق ارەكەتتەردەن تۇسكەن قاراجات 3,8 ميلليارد تەڭگەنى قۇرايدى.