اتىراۋ وبلىسى اقجار اۋىلى ماڭىندا جايىق وزەنىنە باتىپ كەتكەن ءجاسوسپىرىمنىڭ دەنەسى ىزدەستىرىلىپ جاتىر, دەپ جازادى Egemen.kz.
قايعىلى جاعداي 21 تامىزدان 22 - سىنە قاراعان ءتۇنى بولعان. ماماندارعا حابار ساعات 1: 40-تا بەرىلگەن.
قۇتقارۋشىلار وقيعا ورنىنا بارىپ, 2010 جىلى تۋعان بالانىڭ رۇقسات ەتىلمەگەن اۋماقتا سۋعا تۇسكەنىن انىقتادى.
«اتىراۋ قالاسىنا تاياۋ ورنالاسقان اقجار اۋىلىنىڭ تۇسىندا 1 ءجاسوسپىرىمنىڭ سۋعا باتىپ كەتكەنى تۋرالى شاقىرتۋ ءتۇستى. سۇڭگۋىرلەر تاڭعا دەيىن سۋ استىندا ىزدەستىرۋ جۇمىسىن جۇرگىزدى», دەلىنگەن اتىراۋ وبلىستىق توتەنشە جاعدايلار دەپارتامەنتىنىڭ حابارلاماسىندا.
ىزدەۋ - قۇتقارۋ جۇمىستارى بۇگىن دە جالعاسىپ جاتىر. بۇل ىسكە 16 قۇتقارۋشى مەن 4 تەحنيكا, 4 جۇزۋگە ارنالعان قۇرال جۇمىلدىرىلعان.