باتكەن وبلىسىندا ەر ادام جەرگىلىكتى تۇرعىنعا وق اتىپ, كۇدىكتى كەيىن ءوز-وزىنە قول جۇمساعان, دەپ حابارلايدى Egemen.kz 24.kg باسىلىمىنا سىلتەمە جاساپ.
باتكەن وبلىستىق ءىىد ءباسپاسوز قىزمەتىنىڭ مالىمەتىنشە, 51 جاستاعى ەر ادام مەن ونىڭ ايەلى Honda Jazz كولىگىمەن ءىس-شارادان قايتىپ كەلە جاتقاندا, ولاردى 55 جاستاعى تانىسى توقتاتقان.
كۇدىكتى 12 كاليبرلى اڭشى مىلتىعىمەن ەر ادامنىڭ كەۋدە تۇسىنا ەكى رەت وق اتىپ, قىلمىس ورنىنان قاشىپ كەتكەن. كەيىنىرەك كۇدىكتى قارا-تاش جايلاۋىندا جۇرگەندە سول مىلتىقپەن ءوزىنىڭ كەۋدە تۇسىنا وق اتىپ, ءوز-وزىنە قول جۇمساعان.
وقيعا بويىنشا قىرعىز رەسپۋبليكاسى قىلمىستىق كودەكسىنىڭ 122-بابى («ادام ءولتىرۋ») بويىنشا قىلمىستىق ءىس قوزعالىپ, سوتقا دەيىنگى تەرگەۋ امالدارى جۇرگىزىلىپ جاتىر.