تاراز قالاسىندا بەس قاباتتى تۇرعىن ءۇيدىڭ ءۇشىنشى قاباتىنان ءورت شىقتى. قۇتقارۋشىلار 5 ادامدى قاۋىپسىز جەرگە كوشىردى, دەپ حابارلايدى Egemen.kz.
ءورت تۇرعىن ءۇيدىڭ ءۇشىنشى قاباتىنداعى پاتەردەن شىققان. وقيعا ورنىنا كەلگەن ءورت سوندىرۋشىلەر 5 تۇرعىندى باسپالداق ارقىلى ەۆاكۋاتسيالادى.
پاتەر ىشىندەگى تۇرمىستىق زاتتار ورتەنگەن. ءورت جالپى 20 شارشى مەتر اۋماقتى شارپىعان.
«زارداپ شەككەندەر جوق. ءورتتىڭ سەبەبى انىقتالىپ جاتىر. ازاماتتاردان ءورت قاۋىپسىزدىگى ەرەجەلەرىن ساقتاۋدى سۇرايمىز», دەلىنگەن تجم حابارلاماسىندا.