وقۋ-اعارتۋ ءمينيسترى عاني بەيسەمباەۆ مەكتەپتەردە قىسقا يۋبكا كيۋگە تىيىم سالۋ تۋرالى جاقىندا باستالعان پەتيتسياعا تۇسىنىكتەمە بەردى. ونىڭ ايتۋىنشا, مەكتەپ فورماسىنا قاتىستى بەلگىلى ءبىر ەرەجەلەر مەن تالاپتار بار, دەپ حابارلايدى Egemen.kz.
مينيستر وقۋشىلارعا مەكتەپ فورماسىنىڭ تالاپتارىن ساقتاۋعا شاقىردى.
- ءار اتا-انا مەن وقۋشى مەكتەپكە ساپالى ءبىلىم الىپ, جەتىستىككە جەتۋ ءۇشىن كەلەتىنىمىزدى ءتۇسىنۋى كەرەك. سوندىقتان باستى ماقساتتى باسقا ماقساتپەن شاتاستىرماۋ كەرەك. پەتيتسيا تۋرالى ايتار بولساق, مەكتەپ فورماسىنا قاتىستى بەلگىلى ءبىر ەرەجەلەر مەن تالاپتار بار. وقۋشىلار وسى ەرەجەلەردى ساقتاۋى كەرەك, – دەدى بەيسەمباەۆ.
مەكتەپ فورماسى تۋرالى ەرەجەدە بەلدەمشەنىڭ ۇزىندىعى تۋرالى ناقتى اقپاراتتىڭ جوق ەكەنىن ايتتى جۋرناليستەر.