بۇگىن قاراعاندىدا, كوستەنكو اتىنداعى شاحتانىڭ اۋماعىندا قازا تاپقان كەنشىلەرگە ارناپ ورناتىلعان ەسكەرتكىشتىڭ اشىلۋ سالتاناتتى ءوتتى, دەپ حابارلايدى Egemen.kz وبلىس اكىمدىگىنىڭ ءباسپاسوز قىزمەتىنە سىلتەمە جاساپ.
ەسكە سالا كەتەيىك, بىلتىر 2023 جىلدىڭ 28 قازانىندا 46 كەنشىنىڭ ءومىرىن قيعان اپات بولدى.
قاراعاندى وبلىسى اكىمدىگىنىڭ مالىمەتىنە سەنسەك, كەنشىلەردىڭ تۋىستارى مەن ارىپتەستەرى, بيلىك وكىلدەرى, Qarmet كومپانياسىنىڭ باسشىلىعى كوز جۇمعان شاحتەرلەردى ەسكە الىپ, گۇل شوقتارىن قويۋعا جينالدى.
«كوستەنكو شاحتاسىنداعى قايعىلى وقيعا قاراعاندىلىقتاردىڭ عانا ەمەس, بارلىق قازاقستاندىقتاردىڭ جۇرەگىندە تەرەڭ ءىز قالدىردى. بۇل ورنى تولماس قايعى. قازا تاپقانداردىڭ تۋىستارى مەن جاقىندارىنا شىن جۇرەكتەن كوڭىل ايتقىم كەلەدى. سول كۇندەرى مەملەكەت باسشىسى جاقىندارىنان ايىرىلعان وتباسىلاردى قولداۋ ءۇشىن قاراعاندىعا جەكە ءوزى كەلدى. ءبىز ءار وتباسىنا قاجەتتى قولداۋ مەن كومەك الۋى ءۇشىن قولدان كەلگەننىڭ ءبارىن جاسادىق. ەلباسى ءبىزدىڭ وبلىسقا سوڭعى ساپارى بارىسىندا كەنشىلەر ءۇشىن ەڭبەك قاۋىپسىزدىگى مەن لايىقتى جۇمىس جاعدايلارىن قامتاماسىز ەتۋگە باسا نازار اۋدارۋ كەرەكتىگىن تاعى دا قايتالادى», دەدى قاراعاندى وبلىسىنىڭ اكىمى ەرماعانبەت بولەكپاەۆ.
مەموريالدىڭ اۆتورى قاراعاندىلىق ءمۇسىنشى جانە سۋرەتشى يگور باگراموۆ بولدى. گاببرو قارا گرانيتتەن جاسالعان ەسكەرتكىش بەلگىسى كەنشىلەردىڭ كەنجارعا كەتىپ بارا جاتقانىن بىلدىرەدى.