2025 جىلدىڭ 1 قاڭتارىنا دەيىن «ياندەكس» پەن «InDriver» سەرۆيسىنە تىركەلگەن ءرۋلى وڭ جاقتاعى كولىكتەر انىقتالادى. كولىك ءمينيسترى مارات قاراباەۆ وسى ساناتتاعى كولىكتەردىڭ جولاۋشى تاسىمالداۋىنا شەكتەۋ ەنگىزىلەتىنىن مالىمدەدى, دەپ جازادى Egemen.kz.
مينيستر «InDriver» اگرەگاتورىمەن مەموراندۋمعا قول قويىلعانىن ايتتى. ءتيىستى قۇجات بويىنشا وڭ جاق ءرۋلدى كولىكتەرگە تاكسي قىزمەتىن كورسەتۋگە تىيىم سالىنادى. «InDriver», «ياندەكس» كومپانيالارى مۇنداي كولىكتەردى ءوز قوسىمشالارىندا تىركەمەيدى.
ء«رۋلى سول جاققا اۋىستىرىلعان وڭ جاق ءرۋلدى كولىكتەر بار. ولار ازاماتتارىمىزدىڭ دەنساۋلىعىنا جانە كولىك قوزعالىسىنا قاۋىپ توندىرەدى. سوندىقتان وڭ ءرۋلدى كولىكتەردە 13 تاڭبالى VIN كودى بار, ال سول ءرۋلدى كولىكتەردە 17 تاڭبالى VIN كودى تاڭبالانعان. بۇل تۇرعىدا تاكسي قىزمەتتەرى وسىنداي كولىكتەردى انىقتاپ, 1 قاڭتاردان باستاپ قىزمەتتەن بوساتادى. مۇنىمەن قوسا, ىشكى ىستەر مينيسترلىگى جول ەرەجەسىن ءجيى بۇزاتىن جۇرگىزۋشىلەردىڭ ءتىزىمىن ۇسىنادى. بۇل رەتتە, وسى جۇرگىزۋشىلەر تاكسي جۇيەسىنەن شىعارىلادى», دەدى مينيستر.