قاپشاعاي سۋ قويماسىندا جاس جىگىت سۋعا باتىپ كەتتى, دەپ حابارلايدى Egemen.kz.
قايعىلى وقيعا 17 تامىزدا بولعان. وقيعا كۋاگەرلەرى ۇل مەن قىزدىڭ سۋعا باتىپ بارا جاتقانىن ايتتى. قىز قۇتقارىلدى, بىراق جىگىت قايتىس بولدى.
الماتى وبلىسىنىڭ توتەنشە جاعدايلار دەپارتامەنتى باقىلاۋ پۋلتىنە وقيعا كۋاگەرلەرىنەن قوناەۆ قالاسىنداعى قاپشاعاي سۋ قويماسىنىڭ قالالىق جاعاجايلارىنىڭ بىرىندە ادامنىڭ سۋعا باتىپ بارا جاتقانى تۋرالى حابارلاما تۇسكەنىن ايتتى.
قۇتقارۋشىلار شاقىرىلعان وقيعا ورنىنا جەتكەندە پيرس ماڭىنداعى بەسىنشى قالالىق جاعاجايدا 2005 جىلى تۋعان جىگىتتىڭ سۋعا باتىپ كەتكەنى انىقتالدى.
الماتى وبلىسىنىڭ قۇتقارۋشىلارى ءمايىتتى سۋدان شىعارىپ, پوليتسيا قىزمەتكەرلەرىنە تاپسىردى.
الماتى وبلىسىنىڭ توتەنشە جاعدايلار دەپارتامەنتى قالا تۇرعىندارى مەن قوناقتارىن سۋداعى قاۋىپسىزدىك ەرەجەلەرىن ساقتاۋعا شاقىرادى.