بۇگىن مەن ءۇشىن ايرىقشا قۋانىشتى كۇن. بيىل تۇڭعىش رەت سايلاۋعا قاتىسىپ, №16-شى ۋچاسكەمدە داۋىس بەردىم. ەلىمنىڭ ازاماتى رەتىندە ۇلكەن جاۋاپكەرشىلىك ارقالاعانىما ەرەكشە قۋانعانداعى باستى سەبەبىم, ومىرىمدەگى ايتۋلى وقيعا – قازاقستان رەسپۋبليكاسىنىڭ پرەزيدەنتىن سايلاۋعا قاتىسۋىممەن بايلانىستى بولىپ وتىر.
مەن سايلاۋ ۋچاسكەسىنە ءۇلكەن تولقىنىسپەن اياق باستىم. ايتكەنمەن, كوميسسيا توراعاسى مەن حاتشىسى تۇڭعىش رەت داۋىس بەرۋشى رەتىندە ماعان جىلىشىراي تانىتتى. ءتىپتى, ەستەلىك سىيلىق تاپسىردى. وسىنىڭ ءوزى ءبىزدىڭ قوعامىمىزدىڭ ءوزىنىڭ جاس مۇشەسىنە قۇرمەتى مەن سەنىمىن ايعاقتاپ تۇرعانداي ەدى. بۇل مەنىڭ جىگەرىمدى تاسىتتى. اباي اتامىز وسيەتتەگەندەي, ەلىمنىڭ ءبىر كىرپىشى بولىپ قالانۋىم, ونىڭ بولاشاعىنا ادال قىزمەت ەتىپ, وتانىمنىڭ وركەندەۋى جولىندا ايانباي ەڭبەكتەنۋ قاجەتتىگىن ءتۇسىندىم.
ءامىرحان تاشەنوۆ,
ش.ءۋاليحانوۆ اتىنداعى
كوكشەتاۋ مەملەكەتتىك ۋنيۆەرسيتەتىنىڭ ءى كۋرس ستۋدەنتى.