قىزىلوردا وبلىسىندا بالالاردىڭ جۇقپالى اۋرۋلارىنا قارسى ەكپەنى قابىلداۋدان باس تارتاتىن اتا-انالار سانى جيىلەپ بارادى, دەپ حابارلايدى Egemen.kz اقپارات اگەنتتىگى.
بيىل وبلىستا جۇقپالى اۋرۋلار بەلەڭ الىپ وتىر. ماسەلەن, بىلتىر كوكجوتەل مۇلدەم تىركەلمەسە, بيىل 116 جاعدايى انىقتالدى.
«وعان ازاماتتاردىڭ ينفەكتسياعا قارسى ەكپە الماۋى باستى سەبەپ بولىپ وتىر. كوكجوتەلمەن سىرقاتتانعان بالالاردىڭ 80-90 پايىزى ۆاكتسينا الماعان. راس, كوكجوتەل اسا ءبىر قاۋىپتى ءتۇرى سانالمايدى, دەگەنمەن بالالاردا وتە اۋىر جاعدايدا وتەدى. جوتەلگەندە بالا تىنىس الا الماي, تۇنشىعىپ قالادى. بۇل ماسەلەگە نەمقۇرايدىلىق تانىتۋعا بولمايدى. وعان قوسا گەپاتيتتىڭ ا ءتۇرى دە بالا دەنساۋلىعى ءۇشىن قاۋىپتى. سوندىقتان دا اتا-انالاردان دالەلسىز اقپاراتتارعا سەنبەۋىن سۇرايمىز», – دەيدى وبلىستىق سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ءاليا ابدىقايىموۆا.
وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى مايا ميرزانوۆانىڭ ايتۋىنشا, تۇرعىندار اراسىندا ەكپەگە قارسىلىق جاعدايلار كەيىنگى كەزدە ءجيى تىركەلەدى.
«وبلىس بويىنشا قىزىلشاعا قارسى ەكپەگە 1600-دەن استام بالانىڭ اتا-اناسى قارسىلىق بىلدىرگەن. ونىڭ ىشىندە 600-ءى قىزىلوردا قالاسىندا تۇرادى», - دەيدى مايا ميرزانوۆا.