پاريج وليمپياداسىنىڭ قورىتىندىسى بويىنشا كەڭەس ءوتىپ, بوكستان ەرلەر كومانداسىنىڭ باپكەرلىك قۇرامى تولىعىمەن جۇمىستان شەتتەتىلدى. بۇل تۋرالى قازاقستان بوكس فەدەراتسياسىنىڭ ءباسپاسوز قىزمەتى حابارلادى, دەپ جازادى Egemen.kz.
قازاقستان بوكس فەدەراتسياسىنىڭ شەشىمى دەنە شىنىقتىرۋ جانە سپورت ىستەرى بويىنشا كوميتەتىمەن ماقۇلداندى.«باس جاتتىقتىرۋشى مىرزاعالي ايتجانوۆ جانە باپكەرلىك قۇرامداعى 10 مامان, قبف ۆيتسە-پرەزيدەنتى ازيز قوجامبەتوۆ قىزمەتتەن بوساتىلدى. قازاقستاننىڭ ەڭبەك سىڭىرگەن جاتتىقتىرۋشىسى تۇرسىنعالي ەدىلوۆ قازاقستان بوكس فەدەراتسياسى پرەزيدەنتىنىڭ كەڭەسشىسى قىزمەتىنە تاعايىندالدى», دەلىنگەن حابارلامادا.جاڭا باپكەرلىك قۇرام كەيىنىرەك تانىستىرىلادى.