قازاق حالقىندا بالالارعا قاتىستى سالت-جورالعى جەتەرلىك. تۇبىنە ۇڭىلسەك سالت-ءداستۇرىمىزدىڭ تەكتەن-تەك پايدا بولماعانىنا كوز جەتەدى. ەل تۇسىنىگىندە ىرىم-تىيىم, سالت-ءداستۇر ادامدى جاماندىقتان تىيىپ, جاقسىلىققا ۇندەيدى, باردىڭ قادىرىن ءبىلىپ, جوققا قاناعات قىلۋعا شاقىرادى, ەڭبەككە باۋليدى, ەپتىلىككە ۇيرەتەدى. سونداي سىرى تەرەڭ سالتتىڭ ءبىرى - باسىرە اتاۋ, دەپ جازادى Egemen.kz.
ەرتەدە ومىرگە كەلگەن ۇل بالاعا تولدەگەن ق ۇلىندى باسىرە اتاعان. قىزىعى, باسىرەگە بەرىلگەن مالدى سويماعان, ساتپاعان. ونىڭ سەبەبى حالىق تۇسىنىگىندەگى باسىرەنىڭ بالا بولاشاعىنا اسەرى تۋرالى ويدا جاتىر.
نانىم بويىنشا, بالانىڭ بولاشاعى ونىڭ باسىرە تايىمەن تىعىز بايلانىستى. سوندىقتان ونداي تايدى مىنبەيدى, جەكپەيدى, سويمايدى, ساتپايدى. قايتا بالامەن بىرگە بۇلا ەتىپ وسىرەدى. ءوزىنىڭ اتاۋلى مالىمەن بىرگە وسكەن بالا ەركىن بولىپ, كىشكەنتايىنان مال قادىرىن ءبىلىپ, شارۋاعا يكەمدەلەدى.
سالت-ءداستۇر جيناقتارىندا باسىرە مالعا ەن سالىنىپ, يەسى ۇنەمى قاداعالاپ جۇرەتىنى باياندالادى. باسىرە مالدىڭ باسىنا تۇسكەن اۋىرتپالىعى (اۋرۋى, اقساۋى, تاۋ-تاستان قۇلاۋى) ارقىلى بالانىڭ ىلگەرىدە باقىتتى, باقىتسىز بولارىن جورامالداپ ىرىم ەتكەن دەسەدى.
«Egemen Qazaqstan» گازەتىنىڭ بۇگىنگى سانىندا ءتىلشىمىز جانىبەك ءاليمان باسىرەنىڭ مانىنە جان-جاقتى ۇڭىلەدى. ونى ءتۇسىندىرۋ جولىندا كەلدىبەك ءبيدى كىدىرىپ, قازىبەك بي قىراعى شەشىم ايتقان تاپقىر مىسالدى «باسىرەنىڭ ءمانى نەدە؟» ماقالاسىنان تولىق وقي الاسىز.