قوستاناي وبلىسىنىڭ پروكۋراتۋراسى بالالارعا جولداما بەرۋ تۋرالى قىلمىستىق ءىستىڭ تەرگەۋىن اياقتادى, دەپ حابارلايدى Egemen.kz.
رۋدنىي قالاسىنىڭ پروكۋراتۋراسىمەن «رۋدنىي قالاسىنىڭ ءبىلىم ءبولىمىنىڭ» بالالار تاربيە-ساۋىقتىرۋ كەشەنى» كمقك قىزمەتىن تەكسەرۋ بارىسىندا اسا ءىرى مولشەردە اقشا قاراجاتىن ۇرلاۋ فاكتىسى انىقتالدى.
وسى فاكت بويىنشا ارنايى پروكۋرورلار قازاقستان رەسپۋبليكاسى قىلمىستىق كودەكسىنىڭ 189-بابىنىڭ 4-بولىگى بويىنشا سوتقا دەيىنگى تەرگەۋ جۇرگىزدى, ياعني سەنىپ تاپسىرىلعان بوتەن م ۇلىكتى يەلەنۋ نەمەسە ىسىراپ ەتۋ.
تەرگەۋ بارىسىندا بالالار كەشەنىنىڭ قىزمەتكەرى 2022-2023 جىلدار كەزەڭىندە بالالاردىڭ ساۋىقتىرۋ ورتالىقتارىنا جازعى ماۋسىمعا جولداما ساتىپ العانى ءۇشىن ازاماتتاردان الىنعان 18 ملن تەڭگەدەن استام اقشالاي قاراجات يەمدەنگەنى انىقتالدى.
- قازىرگى ۋاقىتتا سوتقا دەيىنگى تەرگەۋ اياقتالدى, قىلمىستىق ءىس سوتقا جىبەرىلدى, - دەلىنگەن اقپاراتتا.