سۋدى ىسىراپ ەتىپ, رەسۋرستى پايدالانۋدى بۇزعاندارعا ايىپپۇل كولەمى 5 ەسە ۇلعايادى, دەپ حابارلايدى Egemen.kz 24.kz-كە سىلتەمە جاساپ.
زاڭ جوباسىنا ءتيىستى تۇزەتۋلەردى سۋ رەسۋرستارى جانە يرريگاتسيا مينيسترلىگى دايىندادى. وسىلايشا سۋ وبەكتىلەرىن قولدانۋعا ارنالعان تىيىم بەلگىلەرىن جويعانى جانە ونى زاڭسىز يەلەنگەنى ءۇشىن جەكە تۇلعالارعا 5-تەن 50 ايلىق ەسەپتىك كورسەتكىش, ياعني 184 مىڭ تەڭگە ايىپپۇل سالىنادى.
ال لاۋازىمدى تۇلعالار مەن شاعىن كاسىپ يەلەرى ءۇشىن ونىڭ كولەمى 300 ايلىق ەسەپتىك كورسەتكىش بولماق.
سونداي-اق, سۋدى ماقساتسىز پايدالانعانى ءۇشىن دە جاۋاپكەرشىلىك ارتادى. جەكە تۇلعالار ءۇشىن ايىپپۇل مولشەرى 10-نان 50, لاۋازىمدى تۇلعالار مەن شاعىن كاسىپكەرلەرگە 100 ايلىق ەسەپتىك كورسەتكىش بولادى.
جەكە تۇلعالار ءۇشىن – 50 اەك; لاۋازىمدى تۇلعالار, شاعىن كاسىپكەرلىك سۋبەكتىلەر نەمەسە كوممەرتسيالىق ەمەس ۇيىمدار ءۇشىن – 100 اەك; ورتا كاسىپكەرلىك سۋبەكتىلەر ءۇشىن – 150 اەك; ءىرى كاسىپكەرلىك سۋبەكتىلەر ءۇشىن – 850 اەك.