بۇگىن ەل قۇرىلىسشىلارى كاسىبي مەرەكەسىن تويلاپ جاتىر

قۇرىلىسشىلار كۇنى تامىزدىڭ ەكىنشى جەكسەنبىسىندە اتاپ وتىلەدى.

1955 جىلى 6 قىركۇيەكتە كسرو جوعارعى كەڭەسى پرەزيديۋمىنىڭ "قۇرىلىسشىلار كۇنىن" بەلگىلەۋ تۋرالى جارلىعى شىقتى. العاش رەت بۇل سالانىڭ قىزمەتكەرلەرى مەرەكەنى 1956 جىلى 12 تامىزدا اتاپ ءوتتى.

قۇرىلىس سالاسى - ەل ەكونوميكاسىنىڭ ماڭىزدى سەكتورلارىنىڭ ءبىرى. ساۋلەتشىلەر, ينجەنەرلەر مەن ديزاينەرلەر, سىرلاۋشى - سىلاقشىلار مەن ارلەۋشىلەر, بەتونشىلار مەن تاس قالاۋشىلار - قازىرگى ۋاقىتتا 53 مىڭ كومپانيادا شامامەن 648 مىڭ مامان جۇمىس ىستەيدى.

قازىر سۋ تاسقىنىنان زارداپ شەككەن ايماقتاردا قۇرىلىسشىنىڭ ەڭبەگى ەرەكشە سۇرانىسقا يە. كەيدە ولار باسپاناسىنان ايىرىلعان ازاماتتار تەزىرەك جاڭا ۇيلەرىنە كوشۋى ءۇشىن تاۋلىك بويى, بىرنەشە اۋىسىممەن جۇمىس ىستەيدى.

قۇرىلىس سالاسىنىڭ بارلىق قىزمەتكەرىن كاسىبي مەرەكەلەرىمەن قۇتتىقتايمىز. سىزدەرگە زور دەنساۋلىق, باقىت, اماندىق پەن جاڭا جەتىستىكتەر تىلەيمىز!