استانا قالاسىندا ۇلى اقىن, اعارتۋشى اباي قۇنانباي ۇلىنىڭ تۋعان كۇنىنە وراي عىلىمي كونفەرەنتسيالار, مەكتەپتەردە تاربيە ساعاتتارى, ۆيكتورينالىق ويىندار جانە باسقا دا 70-تەن استام ءتۇرلى ءىس-شارا ۇيىمداستىرىلادى, دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.
ەلورداداعى اباي كۇنىنە ارنالعان مەرەكە 10 تامىز كۇنى 9:00-دە اباي ەسكەرتكىشىنە گۇل شوقتارىن قويۋ راسىمىنەن باستالادى.
سونىمەن قاتار 10 تامىز كۇنى ساعات 11:00-دە قالامگەرلەر اللەياسىندا (ەگەمەن قازاقستان كوشەسى, 9) «اباي رۇحانياتتىڭ التىن قازىعى» اتتى ادەبي-سازدى كەش وتەدى.
10 تامىز كۇنى ساعات 11:00-دە جۋرناليستتەر ساياباعىندا (كەنەسارى كوشەسى) «الدىمدا اقىن اباي - تەمىرقازىق!» اتتى ادەبي كەش ۇيىمداستىرىلادى.
10 تامىز كۇنى ساعات 20:00-دە ەسىل وزەنىنىڭ جاعالاۋىندا (اربات) اباي اندەرىن ناسيحاتتاۋ ماقساتىندا «دومبىرا party» وتەدى.
سونىمەن قاتار 10 تامىز كۇنى ارباتتا ابايدىڭ ءومىرى مەن شىعارماشىلىعىنا بايلانىستى ۆيكتورينالىق ويىندار ۇيىمداستىرىلادى. ال 14 تامىز كۇنى قر ۇلتتىق اكادەميالىق كىتاپحاناسىندا « ۇلىلار مەكەنى...» ەكسپەديتسياسىنىڭ قورىتىندىسى بويىنشا عىلىمي كونفەرەنتسيا وتەدى دەپ جوسپارلانىپ وتىر.