8 تامىزدا استانانىڭ قىلمىستىق ىستەر جونىندەگى اۋدانارالىق سوتى قازاقستاننىڭ بۇرىنعى ىشكى ىستەر ءمينيسترى ەرلان تۇرعىمباەۆتى بەس جىلعا شارتتى تۇردە باس بوستاندىعىنان ايىردى, دەپ حابارلايدى Egemen.kz.
سوت وعان بيلىگىن اسىرا پايدالانعانى ءۇشىن ۇكىم شىعاردى.
«قۇپيا» ساناتىنا جاتقىزىلعان بۇل ءىس كىنانى مويىنداۋ تۇرىندەگى پروتسەسسۋالدىق كەلىسىممەن كەلىپ تۇسكەن, سوندىقتان سوتتا پروكۋرور ايىپتاۋدى قولداپ, سوت وتىرىسىندا سوت ءىسىن جۇرگىزۋدى تالاپ ەتتى. سوت بەس جىل مەرزىمگە باس بوستاندىعىنان ايىرۋ جازاسىن تاعايىندادى», دەدى سوت.سوتتالۋشى ءوز كىناسىن تولىق مويىنداپ, شىن جۇرەكتەن وكىنەتىنىن اتاپ ءوتتى.
2024 جىلدىڭ 20 ناۋرىزىندا باس پروكۋراتۋرا قازاقستان رەسپۋبليكاسى ىشكى ىستەر مينيسترلىگىنىڭ بۇرىنعى باسشىسى ەرلان تۇرعىمباەۆتان قاڭتار ايىنداعى وقيعا كەزىندە قۇقىق ءتارتىبى مەن قاۋىپسىزدىكتى قامتاماسىز ەتپەۋىنە بايلانىستى تەرگەۋ شارالارى اياسىندا جاۋاپقا الىنعانىن حابارلادى.
ال 29 ساۋىردە ەرلان تۇرعىمباەۆ «اۋىر زارداپتارعا اكەپ سوققان بيلىكتى جانە قىزمەتتىك وكىلەتتىكتەرىن اسىرا پايدالانعانى ءۇشىن (قر قك 362-بابىنىڭ 4-بولىگى) ۇستالدى. باس پروكۋراتۋرا 30 ساۋىردە مالىمدەگەندەي, «قىلمىستىق ىستە مەملەكەتتىك قۇپيانى قۇرايتىن مالىمەتتەر بار ەكەنىن ەسكەرە وتىرىپ, سوتقا دەيىنگى تەرگەپ-تەكسەرۋدىڭ باسقا دەرەكتەرى جاريا ەتىلمەيدى.